श्रीलक्ष्मी श्रेष्ठ

नां :-  श्रीलक्ष्मी श्रेष्ठ
मां :- स्व. नारायण देवी श्रेष्ठ
बौ  :- स्व. गणेश लाल श्रेष्ठ
बुदिं :- ने. स. १०८१ विवाह पंचमि (ई.स. १९६१ डिसेम्बर ५)
जन्मजूगु थाय् :- यन्ताननी, नघः त्वाः, येँ
ब्वलंगु थाय्  :-  थँहिती, क्वाबहाः, येँ
थौंकन्हय्   :-  लाइदन, द नेदरलन्द

Description

लजगा :-  अध्यापन व भायहिलामि
भाषा :- नेपालभाषा, खस नेपाली, अंग्रेजी, हिन्दी, डच, संस्कृत
शिक्षा :- एम.ए. नेपालभाषा, त्रिभुवन विश्वविद्यालय, पाटन संयुक्त क्याम्पस ।
वसः- उद्योग (२००२—२०१४)

पिदंगु सफू:

*     १. समालोचक माणिकलाल व समालोचना साहित्य (भावना पिथना, येँ, ने.सं. ११२६)
*     २. जिं लुइकागु बाखँ (भावना पिथना व अर्थ प्रकाशन, येँ, ने.सं. ११२८)
*     ३. शान्तिया शान्ति छपुचः चिनाखं (भावना पिथना, य,ेँ ने.सं. ११३१)
*     ४. A Cry in the Wilderness and Other Short Stories  (Vajra Publications, Kathmandu, 2011)
*     ५. सच्छि दंया सत्यमोहन जोशी, ११४०

सम्पादन :- सागर मासिक पत्रिका, वर्ष १, अंक २, पद्य कन्या क्याम्पस शाखा, बागबजार, येँ ।

मेमेगु पिथना :- च्वखँ, चिनाखँ, बाखँ, ब्यक्तित्व व जीवनी, अनुवाद आदि सन्ध्या टाइम्स, नःलि निला पौ, मतिना स्वला पौ, गुथि दँपौ (युके), इनाप वाःपौ, न्यू स्टार वाःपौ, नेपाल त्रृmतु पौ, लसकुस दँ पौ (अमेरिका), दबू दं पौ नेपाः पासा पुचः अमेरिकाय्, सिकागो दबू, नेपाल संस्कृति दं पौ, चौतारी (नेदरलन्द) आदि पतिइ पिदंगु ।

सिरपा :-  नःलि प्रधान सिरपा (ने.स. ११२८),
च्वखँय् न्हाप — नेपालभाषा साहित्य सम्मेलन,  शंकरदेव क्याम्पस, पुतलिसडक, य,ेँ (२०३८),
बाखंनय् लियांल्यू— नेपालभाषा साहित्य सम्मेलन, जुध्दोदय मा.वि. क्षेत्रपाटी, २०३४ यें,
अखिल नेपाल महिला संगठनं युवा वर्षया लसताय् यागु मिसा साहित्य सम्मेलनय् बाखंनय न्हाप (१९८४),
त्यौड नि. मा. वि., त्यौड, तंलाछी चिनाखंय् न्हाप (वि.स.२०३०)

आवद्ध संस्था

*     लाइदन नगरपालिका, नेदरलन्द (२०१४ निसें आतक)
*     सचिव, डिजर्ट ग्रिन रिसर्च, नेदरलन्द (२०१५–)
*     दुजः नेपाल समाज नेदरलन्द, नेपाली डचतयगु संस्था (१९९९ निसें आतक)
*     संस्थापक भावना पिथना, क्वाबहाः, यें (ने.स. ११०५ सन १९८५)
*     आजीवन सदस्य नागार्जुन बौध्द अध्ययन संस्थान, चाकुपात, यल (१९९२)
*     आजीवन सदस्य मैत्री परिवार क्लब, क्वाबहाः, येँ,
*     संस्थापक दुजः व आजीवन सदस्य नेपालभाषा मिसा खलः, येँ, (१९८९ कृष्णा अष्टमि)

अनुभव :

*     नेपालभाषा शिक्षिका— कन्या मन्दिर उ.मा.वि.न्ह्योखा, ईखापुखू, येँ (१९९४—१९९८)
*     भायहिलामि फोनदुन अर्गनाइजेशन — फाउडेसन चाइल्ड लर्न (२००९ व २०१२)
*     चौतारी, नेपाल समाज नेदरलन्दया ख्वाःपौया भायहिलामि१९९९ निसें आतक)
*     अगिंमथः डकुमेन्ट्रि प्याखं दयेकेगु ज्याय् भायहिलामि (२००५)
*     इन्द्रायणी सर्प बलि प्याखं दयेकेगु ज्याय ग्वाहालिमि (१९८७—१९९४)
*     सचिव, अखिल नेपाल विद्यार्थी युनियन (अनेरास्ववियू) प्रारम्भिक कमिटि, पद्य कन्या क्याम्पस, बागबजाः, यें (१९८४( १९८६)
*     अखिल नेपाल विद्यार्थी युनियन (अनेरास्ववियू) केन्द्रिय कमिटि, मोहनी नखः हनेज्याः पुचःया दुजः (१९८३)
*     दुजः अखिल नेपाल विद्यार्थी युनियन, (अनेरास्ववियू) केन्द्रिय कमिटि, स्वन्ति नखः हनेज्याः पुचः (अनेरास्वविय,सन १९८३)
*     दुजः अन्तरराष्ट्रिय ल्यायम्ह दं समारोह कमिटि, अनेरास्ववियू (१९८४)
*     दुजः व न्वकु “गथु” नेपालभाषा साहित्यिक निला पौ, झोंछें (१९८४ (१९८६)
*     इनाप वाः पौया स्वयमसेवी सम्वाददाता, थायमदु (१९८६—१९९५)
*     ग्वाहालिमि न्यू स्टार वाःपौ पिथनेत थी थी कथं १९८६—१९९१)

प्याखंम्व:

*     बुहारी (भौमचा) एकांकि नाटक (१९८२)
*     उज्यालोतिर एकांकि नाटक (१९८२)
*     ग्वयदां छधाः प्याखं, च्वमि पद्य रत्न तुलाधर, अन्तर क्याम्पस नेपालभाषा छधाः प्याखं धे धे बल्ला कासाय् पद्यकन्या क्याम्पस, बागबजारं ब्वति कया लियाल्यु सिरपा त्याकुगु (१९८१)
*     गहिराइमा पुगेपछि, एकांकि नाटक  (१९८१)
*     भावना एकांकि नाटक, लेखक सहदेव पन्त (१९८१)
*     महिलामुक्ति (ज्योतिया भूमिकाय्) एकांकि नाटक, लेखक श्याम तमोट (२०३७)
*     मिजला (मिजलाया भूमिकाय्) छधाः प्याखं, च्वमि दुर्गालाल श्रेष्ठ (२०३४)

निर्देशक (प्याखं स्यनामि):

*     “मिसातयत शिक्षा ब्यु” छधाः प्याखं (१९९७) कन्यामन्दिर उच्च  माध्यामिक विद्यालय, न्ह्योखाया न्यदं बुदिंया लसताय स्यना क्यनागु प्याखं
*     “भृकुटीया संकल्प” छधाः प्याखं आनन्द कुटी माध्यामिक विद्यालयनं न्यागू विधाया धें धें बल्ला कासा याबलय् व हे विद्यालयया मिसा मचातय्त प्याखं स्यना न्हाप सिरपा त्याकुगु (१९८३)
*     “न्हाय् धेना छाय् सर्ग स्वये” छधाः प्याखं, च्वमि दुर्गालाल श्रेष्ठ पब्लिक युथ क्याम्पसं न्यायेकूगु अन्तर क्याम्पस नेपालभाषा छधाः प्याखं धें धें बल्ला कासाय् सरस्वती क्याम्पसं ब्वति कया न्हाप सिरपा त्याकुगु (सह–निर्देशक, १९८३)

चाहिलागु दे :-

नेदरलन्द, जर्मन, फ्रान्स, स्विट्जरलाय्न्ड, बेल्जियम, इटाली, भ्याटिकन सिटि, बंगलादेश, संयुक्तराज्य अमेरिका, बेलायत, अष्ट्रिया,चेक रिपब्लिक व भारत

नुगः खं :-

भाय् धयागु मनुतय् म्हसिका खः । सुं नं मनुतय्सं ल्हाइगु भाय् न्यना उम्ह मनू गुगु देसं वःम्ह वा गन याम्ह धकाः म्हसिका च्वनी । तर थौंकन्हय् आपा नेवाः मांबौपिसं थःगु भाय् थः मस्तय्त मल्हाकुसें खय भाय ल्हाकेगु याना हयाच्वंगु तःधंगु दुःखया खं खः । झीसं थ्व महामारी ल्वययात चिइका छेंखा छेंखा पतिकं थः मस्तय्त नेवाः भाय् ल्हाकेगु अभियान न्ह्याके हथाय जूगु दु । त्वाः त्वाः पतिकं नेपालभाषा स्यनेगु थाय् चायेके माःगु दु । दकले महत्वपूर्णगु खं ला नेवाः बस्तिया फुकं सरकारी स्कूलय नं नेपाल भाषा ब्वंकेगु ब्यवस्था याकेत नेवाःतयसं सरकारयात दवाव बी माःगु दु । न्हि न्हिं म्वायेगु आधार नेवाः भाय दयेके कथं नेवाः संघ, संस्था, खलः पुचःतयसं ज्या याना वनेमाःगु दु ।

युरोप, अमेरिका, बेलायत व मेमेगु देसय् संसारया मनुत दुकाना विविधता दयेकाच्वंगु दुसा झीगु दे यक्व जाति, संस्कृति, भाषां जाःगु अथेहे विविधता दुगु दे खः । नेपालया मनुतयसं नं थःगु देसय् दुनेया जलाखःला भायत नं सयेके माः । मनुत गुलि अप्व भाय् ल्हाये सइ इमिगु न्ह्यपु उलि हे अप्व चलाख जुइ धकाः धाइ । झीसं मेमेगु न्ह्यागु नं भाय् सयेके सिइके ज्यू तर थःगु मांभाय ल्हायेगु त्वःते मज्यू धैगु नेवाः मांबौपिसं थुइकेमा ।

नेवात भाषा, संस्कृति, रितिथिति दक्व खंय् तःमि जु थें आर्थिक रुपय् नं नेवाःतयत तःमि व सबल याना यंकेगु ज्या याये माःगु दु । नेवातयसं थःगु अधिकार कायेगु नितिं न्ह्यलं चायेका न्ह्यज्याये माःगु दु । राजनीतिक रुपं नं नेवाःत यक्व ल्यूने लाना च्वंगु दु । राजनीतिक नेतृत्वय नं नेवाःत थ्यने माःगु दु  ।

Reviews

There are no reviews yet.

Be the first to review “श्रीलक्ष्मी श्रेष्ठ”

Your email address will not be published. Required fields are marked *