बोदेया नीलबाराही द्य:गं नकेगु परम्परा

भिन्तुना

झीगु नेपाल देय्या भक्तपुर जिल्ला मध्यपुर थिमि नगरपालिका वडा नं. ८ बोदे देसय् न्हापांनिसें झन्दै ४०० दँ  निसें चले जुया वःगु तान्त्रिक मन्त्र युक्त “श्री नीलबहाराही गण नाच” जात्रा प्रत्येक दँय् भाद्र कृष्णपक्ष दुतिया खुन्हुनिसें पञ्चमीखुन्हु तक तसस्कं लोकप्रिय शक्तिसम्पन्न मंगलकारी जात्राया पात्रत भैरब १ म्ह, नीरबाराही ४ म्ह, कुमारी ४ म्ह, सिंह (सिन्द्यः) ४ म्ह, द्वारपाल २ म्ह, गणेश (गणद्यः) ४ म्ह याना १९म्ह देवपिं व देवी २ म्ह, माला १ म्ह, बारे १ म्ह, सिर्क १ म्ह, पोङ्गा पुचः, बाजं पुचः यानाः मुक्कं १०० म्ह पात्र जानां  यानावयाच्वंगु श्री नीलबाराही गण नाच जात्रा खः । थ्वहे जात्राया सकल पात्रतय्त श्रद्धावान तय्सं सम्मान यानाः भ्वय् नकीगु ज्याझ्वःयात हे द्यःगं नकेगु धाइगु खः । थ्वहे परम्परायात कयाः सफू पिथनादीम्ह मय्जु कृष्णप्यारी (चन्द्यो) श्रेष्ठयात दुनुगलंनिसें भिन्तुना देछाया । च्वमी मय्जु कृष्णप्यारी श्रेष्ठयात सदां निरोगी जुया थुजोगु पुण्य उपकारी ज्या यानाः च्वने फय्मा व जीवनयागु गति सदां न्ह्यज्याना च्वने फय्मा धकाः मन्तुना नापं भिन्तुना बियाच्वना ।

प्रेमचन्द्र अदुवा श्रेष्ठ
मूलम्ह नीलबाराही
बोदे, ख्वपः