बस्जा  ज्वलं

बस्जा  ज्वलं

व्यवहारिक ज्याखँय् व विशेषकथं छ्यलावयाच्वंगु थीथीकथं व थीथी नांया बस्जाया नां थये दु ।

१.	खासि	ततःधंगु भ्वजय् यक्व यक्व नसा ज्वरय् यायेत छ्यलिइगु न्हाय्पं दुगु सिजःया थल ।
२.	फ्वसि	भ्वय्बलय् नसा ज्वरय् यायेत छ्यलिइगु सिजःया छताजि थल । अय्लाः काइबलय् छ्यलिइगु थल ।
३.	सिजःत्यप	लः तयेगु वा छुं नं सामान स्वथनेत छ्यलिइगु पुसा तयाः तालं ग्वये ज्यूगु सिजःया त्यप ।
४.	अय्लाः कायेगु बाता	अय्लाः काइबलय् छ्यलिइगु प्यं च्वामुसेच्वंगु गाः वंगु सिजःया बाता ।
५.	कसःरि	जा, केँ नसा ज्वरे यायेगु धलाैतया थल ।
६.	तसला	जा, केँ नसा ज्वरे यायेगु लीया थल ।
७.	आम्खाेरा	कँय्या लः तयेगु अःखुंचा मदुगु थल ।
८.	करूवा	कँय्या लः तयेगु अःखुंचा दुगु थल ।
९.	घः	सिजः वा लीया लः तयेगु वा ल्ह्ययेगु थल ।
१०.	घःचा	तुंथिइ लः सालेगु व लः तयेगु वःचाग्वःगु सिजः वा लीया थल ।
११.	तांप	ली वा सिजःयागु अःखुं दुगु लः तयेगु थल ।
१२.	धवः	लीयागु नसा ज्वरय् यायेबलय् छ्यलेगु  दुगु वस्तु ।
१३.	चतं	लीयािगु जा थुइबलय् छ्यलेगु चु दुगु वस्तु ।
१४.	लीबाता	छुं नं वस्तु तयेत लीयागु बाता ।
१५.	जानयेबाता	जा तयाः नयेत छ्यलेगु कँय्यागु बाता ।
१६.	कँय्बाता	थ्वँ त्वनेत छ्यलेगु कँय्यागु चकंगु ख्वला ।
१७.	लीख्वला	लीयागु ख्वला ।
१८.	ताैख्वला	प्यनय् ताै दुगु ख्वला ।
१९.	कँय्ख्वला	कँय्यागु ख्वला ।
२०.	बात्चा	कँय् बाता आकारयागु चिग्वःगु ख्वला ।
२१.	अन्ति	अय्लाः लुइत छ्यलेगु कँय्यागु अःखुं दुगु थल ।
२२.	कँय्देमा	जा वा छुं नं नसा तयाः नयेत छ्यलेगु कँय्यागु भु ।
२३.	लीदेमा	जा वा छुुं नं नसा तयाः नयेत छ्यलेगु लीयागु भु ।
२४.	द्वाः	मरि वा ओ छुइत छ्यलेगु नँयागु वस्तु ।
२५.	चाैद्वाः	चतामरि छुइगु नँयागु द्वाः ।
२६.	गाःद्वा	स्वारि, माल्पा छुइगु गाःवंगु द्वाः ।
२७.	कराइ	छुं नंँ नसा पुकेत छ्यलेगु गाःवंगु नँयागु थल ।
२८.	काेपरा	च्वफायेत छ्यलेगु लीयागु थल ।
२९.	फिउदानी	खै फायेगु कँय्यागु थल