नेपालमण्डलया जुजुपिनि भोगवर्ष

नेपालमण्डलया जुजुपिनि भोगवर्ष

साभार :-न्हू हिसु
सह प्रा. काशीनाथ तमोट

      नेपालमण्डलया प्रामाणिक इतिहास सच्छिं अम्पो दं ईशवी ५ शदी लिच्छवि  जुजु मानदेवतक सीमित जुयाच्वंगुली ई. १ ९९२ मे न्हापांगु वाय् जय वर्मा जुजुया मूर्तिनापं  पादपीठय् शकसंवत् १०७ (ई १८५) या अभिलेख लुसेंलि व स्वस: द अप्पो पुलां २ शदीतक थ्यन । अझ ई. २००३ जनवरी २५स चाबहिल चैत्य ल्हवंगु इलय् “चारुबती थुप” आख: कियात:गु ईपू ३ शदी ब्राह्मी लिपिया इष्टिका (अप्पा) अभिलेख लुयावसेंलि थुकिया इतिहास अझ न्यास: दँ अप्पो थ्यन । 
     नेपालमण्डल-थौंकन्हय्या नेपाल अधिराज्यया मध्यमाञ्चल विकास क्षेत्रया झीनिंगू जिल्ला  क:घा:गु  पहाडी भूभाग-इतिहासया शुरुनिसें छधी ख: । लिपा थुकी  प्यंगुतक स्वतन्त्र स्वशासित राज्य (यें, यल, ख्यप, दोलखा )  खनेदत । इपिं फुक राज्य थ:त नेपालमण्डलया अंग नालाकाइ । 
    नेपालमण्डलया शुरु शासक गोपालवंशीनिसें जयस्थिति मल्लया पालय्तकया जुजुपिनि नां नेसं ५०९ (ई.१३८९) दक्वसिंबय् लिउ वयान दुगु राष्ट्रिय  अभिलेखालय (लगत १-१५८३) या गोपालादि  राजवंशावली दु । थन बिया गोपाल, मेहिषपाल, किरात जुजुपिनि नां (पत्र १७ लि १-१८ लि १ ) सामान्य सम्पादन याना: उकिं हे लिकयागु ख: । अथे हे लिच्छवि-वर्मा -गुप्त व वर्मा-कालया नां (पत्र १९ लि ३-२०लि १) नं  उकिं हे कयागु ख: । थ्व जय वर्माया अभिलेखया ब: कया: उकी छम्ह जुजुयात २० द भोगवर्ष (शासन काल ) बिया: गोपालवंशतकया जुजुपिनि ईं अनुमान यानागु दु । लिच्छवि व लिपाया जुजुपिनि नां व भोगवर्ष वास्तविक रुपं अभिलेखय् व:कथंया ख:। लुमंकेबह जू वंशावलीयात पूर्वीय परम्पराय् राजभोगमाला धाइ । 
    नेपालमण्डलया मल्लकाल धुंका: उकिया निरन्तरताया रुपय्  आधुनिक  इत्तिहासया नेपाल अधिराज्यया शाह जुजुपिनि राजतन्त्र अन्त्यतकया भोगवर्ष नं बियागु दु। थ्व  धल: नेसं ११ २१ तछलां पिकयागु फोटोकपी प्रकाशनया परिवर्द्धित संस्करण ख: ।